| Convocadas axudas a emprendedores, investimento tecnolóxico, competitividade e internacionalización |
|
|
O Igape vén de convocar axudas para emprendedores, investimento tecnolóxico, competitividade, cooperación e internacionalización. Estes apoios, publicados en réxime de concorrencia competitiva e con diferentes prazos de presentación de solicitudes, súmanse aos xa vixentes para apoiar a creación de novos emprazamentos empresariais con investimentos a partir de 600.000€ e ampliacións a partir de 3 millóns de euros. Entre outras axudas, o instituto convoca agora subvencións a fondo perdido a emprendedores que impulsen proxectos con investimentos a partir de 50.000 euros.
Santiago, 17 de abril de 2007.-Na procura dunha maior cohesión, as Bases reguladoras dos incentivos económicos do Igape, publicadas no Diario Oficial de Galicia o pasado 23 de marzo, integran nun único documento a normativa que rexerá a concesión dos apoios a proxectos de investimento empresarial, aos impulsados por emprendedores, ás iniciativas empresariais empresariais en materia de mellora da competitividade ou de internacionalización, e aos proxectos colaborativos para impulsar entre agrupacións de empresas.
Desde o 24 de marzo, están abertas á presentación de solicitudes as liñas de axuda para apoiar a creación de novos emprazamentos empresariais con investimentos a partir de 600.000€ e ampliacións a partir de 3 millóns de euros, así como os apoios para novos centros de servizos avanzados intensivos en creación de emprego; estás liñas están abertas sen data límite, ata derogación expresa. Mediante a resolución publicada hoxe no Diario Oficial de Galicia, e polo sistema de concorrencia competitiva, o Igape vén de convocar a práctica totalidade das liñas de apoio previstas nas citadas Bases reguladoras dos incentivos económicos do Igape, entre elas as destinadas a apoiar proxectos (de 600.000 a 3 millóns de euros) de implantación de proxectos de eliminación, valoración ou reciclaxe de residuos; o prazo para a presentación de proxectos está aberto, neste caso, desde mañá e ata o próximo 31 de xullo.
Apoios a emprendedores
Segundo a mesma resolución publicada hoxe no DOG, e a través da Base reguladora dos incentivos a proxectos de investimento empresarial, o Igape apoiará con subvencións a fondo perdido aos emprendedores que impulsen proxectos con investimentos de 50.000 a 600.000€ en bens de equipo, activos inmateriais e outros gastos necesarios para a posta en marcha de novos negocios de carácter industrial, turístico, loxístico ou relacionados con novos xacementos de emprego ou con actividades de escasa implantación no territorio. A subvención pode acadar ata o 40% dos investimentos. O prazo para a presentación de solicitudes, que se resolverán por concorrencia competitiva, estará aberto ata o próximo 1 de outubro.
Axudas para favorecer a competitividade
Tamén se convocaron onte os apoios para investimentos tecnolóxicos orientados á mellora da produtividade empresarial, de 600.000 a 3.000.000 € de investimento e que supoñan a ampliación ou a modernización das empresas. A presentación de solicitudes está aberta, neste caso, ata o próximo 31 de xullo.
En datas próximas convocaranse os apoios para proxectos de investimento tecnolóxico entre 100.000 e 600.000 €, exclusivamente para pemes, que poderán se incentivados polo Igape ao amparo da Base reguladora dos incentivos a proxectos de investimento empresarial, sempre que correspondan aos sectores industrial, turístico, loxístico ou de servizos avanzados e se executen nun período aproximado dun ano. Neste marco, serán igualmente apoiables proxectos de consultoría de proceso, de implantación de ferramentas de xestión e de implantación de cadros de mando nas pemes, segundo convocatoria tamén pendente de realizar.
Por outra parte, a través da Base de axudas a iniciativas xeradoras de coñecemento nas pemes, o instituto incentiva o desenvolvemento polas pemes galegas de proxectos orientados a impulsar accións concretas de desenvolvemento empresarial, consolidación e mellora continua. Accións como: proxectos de diagnose, elaboración de estudos e implantación de medidas; proxectos de deseño; contratación de persoal cualificado; ou proxectos tractores de empresas desenvolvedoras de siftware en código aberto; as solicitudes, en todas estas liñas, deben tramitarse antes do próximo 31 de maio.
Impulso á internacionalización
Para facilitar a internacionalización das pemes galegas, o Igape ven de convocar tamén apoios para a facilitar a elaboración de diagnósticos empresariales sobre a capacidad de internacionalización –solicitudes ata 31 de maio-. Do mesmo xeito, o instituto apoio a presenza en eventos expositivos internacionais para a promoción de produtos ou servizos de orixe galega, e facilita axudas para favorecer o establecemento de iniciativas de cooperación para a creación de alianzas interempresariais orientadas cara a internacionalización das empresas galegas; nestes casos, as solicitudes proderán presentarse ata o 31 de outubro.
As solicitudes de apoio en todas as liñas que veñen de convocarse agora, baixo o sistema de concorrencia competitiva, deben presentarse mediante tramitación telemática. |
|||||||||||||||||||||||||||||||||||||||||||||||||||||||||||||||||||||||||||||||||||||
| Última actualización ( 15/05/2007 ) | |||||||||||||||||||||||||||||||||||||||||||||||||||||||||||||||||||||||||||||||||||||
