IGAPE

 

Actualización 7/9/2012: PUBLICADA RESOLUCIÓN DEFINITIVA consultar aquí: http://www.igape.es/resolucions-definitivas.html 

Co programa de bolseiros Re-Acciona, o IGAPE ofrece a 100 titulados universitarios a oportunidade de formarse en técnicas e ferramentas de xestión dun xeito práctico, mediante a implicación en proxectos reais en PEMEs galegas, e a tutoría de axentes especializados na prestación deste tipo de servizos (máis información).

 

 

O programa foi publicado no DOG de 12/6/2012 (ver publicación), con un mes de prazo de presentación de solicitudes.

 

A realización de prácticas formativas está cofinanciada nun 80% polo Fondo Social Europeo.

 

Para solicitar unha bolsa:

 

- Accede á oficina virtual do IGAPE (http://tramita.igape.es/)

- Pulsa en "Confección de Solicitudes - Cuestionarios", e da de alta un novo usuario se non o fixeche noutra ocasión. Este usuario servirache para acceder a calqueira servizo do IGAPE.

- Unha vez conectado á oficina virtual, se é a túa primeira visita, debes dar de alta un novo beneficiario (solicitante de axuda). A terminoloxía da oficina virtual (máis orientada a empresas) pide o "NIF/CIF" e o "Nome ou Razón Social"; aquí debes usar o teu DNI e nome (en formato "Apelido1 Apelido2, Nome".

- A continuación, debes dar de alta un novo proxecto da liña IG191, que se atopa dentro de "BASES BOLSAS FORMATIVAS 2012" (ver imaxe de exemplo máis abaixo).

- Unha vez completados tódolos datos do cuestionario, debes pechalo (a partir de ahí non se poderá modificar), xerar a solicitude en PDF, imprimila e entregar dita solicitude nun rexistro do IGAPE. Como opción, podes entregalo de calqueira das formas descritas na Lei 30/1992, ou ben de xeito telemático mediante o uso do correspondente certificado dixital ou DNI Electrónico.

 

NOTA: Incluso no caso de optar pola entrega en papel, só é necesario entregar unha folla (a solicitude), posto que o currículum xúntase ao propio cuestionario electrónico na web.

 

 

Imaxe de exemplo da oficina virtual: