Actualidade

O director do Igape, Juan Cividanes, informou sobre o novo programa que, cunha dotación inicial dun millón de euros, achega diagnóstico e asesoramento para adaptarse ás novas relacións comerciais co país británico. A iniciativa forma parte dun paquete de accións impulsado pola Consellería de Economía, Emprego e Industria que inclúe un servizo de consultoría cunha oficina en Londres e a Plataforma Brexit Galicia, xa en funcionamento. Máis de 500 empresas galegas venderon os seus produtos ao mercado británico en 2019, por un valor total que supera os 1500 M€.

O director do Igape, Juan Cividanes, participou hoxe no encontro sobre dixitalización e nova industria organizado en Santiago de Compostela en colaboración co Clúster Audiovisual Galego. Convida ás empresas do sector a seguir impulsando a transformación tecnolóxica do tecido produtivo mediante as axudas á dixitalización, os Proxectos 4.0 e o resto de programas impulsados pola Axenda 4.0.

O director do Igape, Juan Cividanes, participou hoxe no acto de inauguración do XXIX Salón do Automóbil e a Motocicleta, que durante os próximos cinco días reunirá en Vigo 65 marcas e unha ducia de expositores da industria auxiliar. Salienta o esforzo conxunto das compañías, clústeres e organizacións empresariais no impulso á innovación, a internacionalización e a formación do capital humano nun sector estratéxico para Galicia.

A quinta convocatoria da aceleradora promovida pola Xunta e a Escola de Organización Industrial (EOI) comeza a súa actividade en Monforte de Lemos. Os participantes desenvolverán, entre outros, proxectos de enerxías renovables, agroalimentación, turismo sustentable e revalorización dos recursos do territorio.

O director do Igape, Juan Cividanes, participou na presentación da aceleradora con sede en Moaña, na que os emprendedores desenvolverán plataformas web que ofrecen produtos e servizos, talleres téxtiles, iniciativas de cohousing e de economía circular, entre outras. Destaca a vocación e o dinamismo emprendedor dos participantes e o seu compromiso coa mellora da competitividade do tecido empresarial da comarca. Estes días están a dar comezo tamén as accións de formación e asesoramento do resto dos dez espazos apoiados pola Xunta en colaboración coa Escola de Organización Industrial (EOI).