| O Igape apoiará con 4 millóns de € proxectos de investimento tecnolóxico e industria ambiental |
|
|
O Instituto convocou de novo apoios para incentivar proxectos colaborativos de carácter empresarial, cunha dotación prevista de un millón de euros máis. Para o fomento de iniciativas xeradoras de coñecemento nas pemes, diagnósticos e proxectos de deseño, tamén se abre unha nova convocatoria que remata, en todos os casos, o 15 de outubro próximo.
Santiago, 10 de setembro de 2007.-Ata o próximo 15 de outubro está aberto o prazo de presentación de solicitudes de apoio para proxectos de investimento tecnólóxico en diversos sectores incentivables ou en equipamento en xeral no sector tustístico, segundo a nova convocatoria publicada no DOG o pasado 24 de agosto. Ao mesmo tempo, o Igape volveu a convocar axudas para proxectos de investimento para ampliación de industrias ambientais existentes, e para o fomento das iniciativas xeradoras de coñecemento nas pemes galegas a través de proxectos de diagnose, elaboración de estudos e implantación de medidas, ou mediante proxectos de deseño. Do mesmo xeito, o Instituto convocou de novo apoios para incentivar proxectos colaborativos de carácter empresarial.
Mediante a liña para apoiar proxectos de investimento empresarial de carácter tecnolóxico con importes proxectados que superen os 600.000 euros, o Igape respaldará os investimentos en bens de equipo de carácter tecnolóxico que aborden as empresas de variados sectores de actividade, dende a industria e o transporte aos servizos avanzados; dende as empresas con actividades de electrónica, biotecnoloxía ou robótica, aos investimentos tecnolóxicos do sector audiovisual ou do telemático, entre outros; no sector turismo poderán ser apoiados investimentos en equipamento en xeral (en hoteis de catro ou máis estrelas, balnearios e baños). Do mesmo xeito, son apoiables no marco desta liña de axudas os investimentos en adquisición de propiedade intelectual e industrial.
Proxectos ambientais
O Instituto ven de publicar tamén unha nova convocatoria de apoio para proxectos ambientais de ampliación con investimentos a partir de 600.000 euros e ata tres millóns. Neste caso, o obxectivo do Igape é apoiar a implantación de proxectos industrias de eliminación, valoración ou reciclaxe de residuos, redución ou eliminación da contaminación.
Tamén serán subvencionables os investimentos e gastos computables destinados a bens de equipo, por unha banda, e a adquisición de propiedade intelectual e industrial, incluíndo licenzas de fabricación e patentes. A axuda mínima será dun 15% da base subvencionable e poderá chegar a cubrir o 30%.
Ao mesmo tempo, o Instituto convocou as súas axudas a proxectos colaborativos de carácter empresarial, ben para proxectos de especialización profesional, para proxectos tutelados de intercambio de experiencia para a xeración de proxectos de innovación cooperativos ou para a elaboración de plans estratéxicos de innovación e competitividade ou de internacionalización, cooperativos.
Do mesmo xeito, o Igape fixo unha nova convocatoria de apoios para o fomento de iniciativas de coñecemento nas pemes, a través de axudas para elaboración e implantación de diagnósticos ou para proxectos de deseño corporativo.
Con esta nova convotoria de liñas de axuda en réxime de concorrencia competitiva o Igape procura dar continuidade á oferta de apoios en áreas de especial interese para que as empresas galegas poidan incrementar a súa produtividade. |
|||||||||||||||||||||||||||||||||||||||||||||||||||||||||||||||||||||||||||||||||||||
| Última actualización ( 07/11/2007 ) | |||||||||||||||||||||||||||||||||||||||||||||||||||||||||||||||||||||||||||||||||||||
