Actualidade

O director xeral do Igape, Juan Cividanes, participa nunha xornada específica e salienta o récord histórico das exportacións acadado o ano pasado, que suma, segundo indicou, o esforzo das pemes e o da Xunta. A través do Galicia Exporta Empresas, dotado con 6 millóns de euros, a Consellería de Economía, Emprego e Industria prevé apoiar este ano a internacionalización de 300 Pemes. Esta convocatoria compleméntase coa do Galicia Exporta Organismos intermedios, que apoiará a internacionalización doutras 200 empresas no marco de proxectos colectivos. A Xunta activou ademais as axudas para a contratación de xestores de exportación, que permiten a incorporación ás pemes tanto de novos profesionais que busquen iniciar a súa carreira profesional como de expertos maiores de 45 anos en situación de desemprego.

O director do Igape, Juan Cividanes, participou na presentación da nova convocatoria dos premios e axudas activada pola Consellería de Economía, Emprego e Industria neste ámbito. Esta iniciativa conta cun orzamento de catro millóns de euros e mobilizará 10 millóns mediante os investimentos de medio cento de empresas que poderán beneficiarse. Prevese apoiar seis novas iniciativas colectivas, catro delas centradas en avanzar na implantación da fábrica intelixente en sectores estratéxicos da economía galega. Como principal novidade da convocatoria vixente, impulsaranse ademais dous proxectos nos ámbitos específicos da fábrica virtual e a TIC industrial, avanzando en tecnoloxías como a intelixencia artificial, a internet das cousas ou o big data.

A Consellería de Economía, Emprego e Industria activa hoxe a primeira convocatoria desta iniciativa para facilitar a creación de emprego mediante actividades industriais de autónomos, microempresas e pequenas empresas. Poderán recibir un adianto do 60% da axuda concedida logo da notificación da resolución e a acreditación do inicio do plan empresarial de negocio. A Xunta prevé apoiar, así, a posta en marcha de máis de 60 empresas cunha axuda que poderá acadar un máximo de 70.000 euros. Entre as actividades industriais prioritarias figuran as de sectores como automoción, téxtil, aeronáutico, químico, medioambiental, TIC ou audiovisual. O prazo para a presentación de solicitudes será de dous meses a partir de hoxe.

As actuacións máis demandadas están centradas en ámbitos como o relanzamento comercial, a optimización financeira, as solucións de marketing dixital ou a mellora da xestión mediante solucións dixitais innovadoras. O programa Reacciona do Igape ten como obxectivo prioritario o de potenciar as competencias e habilidades do capital humano das empresas, para que as melloras introducidas na xestión poidan ter carácter permanente. O Reacciona TIC, iniciativa da Amtega e do Igape, facilita o acceso das pemes á servizos de asistencia, diagnose e/ou soporte na implantación de solucións de empresa dixital e da empresa 4.0. Mañá remata o prazo de presentación de solicitudes para a vixente convocatoria de ambos programas, que irá seguida doutra en datas próximas.

O director do Igape, Juan Cividanes, afirmou hoxe en Santiago que as exportacións galegas camiñan cara a un novo récord histórico durante a súa participación no taller informativo sobre as bases do programa Galicia Exporta Organismos Intermedios, que prevé apoiar a 200 empresas. Salientou o papel das asociacións empresariais, clusters, centros tecnolóxicos e consellos reguladores para optimizar recursos e dinamizar a captación de novos clientes para as empresas nos mercados exteriores. O prazo para a presentación de solicitudes ao abeiro deste programa está aberto ata o próximo 27 de marzo.