Actualidade

O director do Igape, Juan Cividanes, participou nun encontro dixital coa directora xeral de Andalucía Emprende, Rosa Siles, no que informou sobre a experiencia e os resultados das tres aceleradoras sectoriais galegas. Cividanes destaca que a BFAuto, a BFFood e a BFAero xa teñen permitido a creación de 49 empresas e a xeración de 324 empregos. O Goberno galego ten en marcha a plataforma StartIN Galicia, a rede de aceleración que impulsa de xeito integral o emprendemento en todo o territorio, a través da que se apoiaron máis de 1000 proxectos nos últimos cinco anos.

O director do Igape, Juan Cividanes, participou hoxe no encontro dixital 'Oportunidades poscovid-19. A internacionalización da empresa no novo contexto global', organizado pola Asociación para o Progreso da Dirección. Cividanes salientou que as pemes deben apostar pola súa redefinición para fortalecer a súa presenza exterior mediante novas canles de comercialización. O Goberno galego reforza o seu compromiso coa internacionalización a través do Plan de reactivación económica, que inclúe medidas como os 16M€ para a dixitalización do tecido empresarial.

O director do Igape, Juan Cividanes, visitou a compañía Arnoia Distribución de Libros, onde salientou que os investimentos 4.0 reforzan o tecido empresarial galego. Resalta o esforzo da empresa pontevedresa, unha das maiores do sector en España, no avance tecnolóxico dos sistemas de almacenaxe e distribución e no desenvolvemento de proxectos de mellora competitiva. A distribuidora conta co apoio das axudas á dixitalización da Consellería de Economía, Emprego e Industria, cuxo prazo de solicitude para a última convocatoria remata o vindeiro 7 de agosto.

As iniciativas seleccionadas na aceleradora impulsada pola Xunta e o Clúster Alimentario de Galicia accederán a un programa de doce meses de duración que inclúe mentoring, formación,  infraestruturas e acceso a financiamento. Empresas tractoras do sector alimentario exercerán como mentoras das iniciativas.

A Consellería de Economía, Emprego e Industria facilitará préstamos de entre 3000 e 20.000 euros a cada negocio para atender as súas necesidades, como pago de salarios, alugueiros ou impostos. Os beneficiarios desta iniciativa terán ata cinco anos para amortizar os créditos e o Goberno galego farase cargo do 100% dos xuros. A Administración autonómica tamén porá en marcha un novos instrumentos financeiros dirixidos aos sectores vitivinícola, artístico e cultural –vinculado especialmente ás orquestras– e a economía social.