Actualidade

O director do Igape, Juan Cividanes, visita as instalacións de Corvus Belli, que aposta por incorporar novos titulados para desenvolver proxectos de mellora e avanzar en internacionalización. Informa da nova convocatoria de axudas do programa Maquinaria 4.0, unha das novas liñas activadas en 2020 no marco da Axenda Industria 4.0.

O Diario Oficial de Galicia vén de publicar a convocatoria da cuarta edición das axudas para proxectos da Industria 4.0, coa que se apoiarán ata seis novas iniciativas colectivas para implantar a fábrica intelixente en sectores estratéxicos da economía galega. O prazo de solicitude das axudas, que poden acadar 1,5 millóns de euros por cada un dos plans, remata o 31 de marzo. Nas tres edicións anteriores desta actuación beneficiáronse 128 empresas, o que supuxo unha mobilización de preto de 27M en investimentos altamente tecnolóxicos. Os sectores da automoción, madeira, metal, agroalimentario, naval, aeronáutico e o granito, impulsados polos respectivos clústeres, son os que están a actuar como locomotoras da Industria 4.0 en Galicia. As tecnoloxías máis empregadas nos proxectos desenvolvidos ata a data están relacionadas coa automatización e a intercomunicación entre máquinas, seguidas das vinculadas á sensórica e a dixitalización de procesos.

A Consellería de Economía, Emprego e Industria, a través do Igape, asina un acordo de colaboración coas dúas Sociedades de Garantía Recíproca galegas e sete entidades bancarias para favorecer o apoio financeiro ao tecido produtivo. O director do Igape, Juan Cividanes, destaca que permitirá operacións comprendidas entre 3000 euros e un millón para mellorar a situación financeira do tecido empresarial. O Diario Oficial de Galicia vén de publicar a nova convocatoria do Galicia Inviste, que achegará financiamento a 120 iniciativas que suman 35 millóns de euros. As dúas liñas de axudas enmárcanse no Plan de financiamento empresarial, mediante o que o Goberno galego apoiará este ano 1900 proxectos de emprendedores e empresas galegas.

Cunha dotación inicial dun millón de euros, esta medida achegará plans de continxencia ao tecido empresarial galego, con especial atención ás pemes. A Xunta activa un paquete de accións que tamén inclúe un servizo de consultoría que contará cunha oficina en Londres. Todas estas iniciativas da Consellería de Economía, Emprego e Industria complementan á Plataforma Brexit Galicia, xa en funcionamento e que ten permitido a máis de 100 compañías realizar un autodiagnóstico. Máis de 500 empresas galegas venderon os seus produtos ao mercado británico entre xaneiro e novembro do ano pasado, por un valor total de 1400M€.

O Diario Oficial de Galicia vén de publicar a última convocatoria do programa, que financiará investimentos estratéxicos, en transporte de mercancías que utilicen combustibles alternativos e o desenvolvemento de proxectos e infraestruturas de uso compartido por parte de asociacións empresariais. Inclúe a nova liña de axudas destinada a apoiar as empresas auxiliares do sector naval, que ata agora leva aprobados 17 préstamos. Enmárcase dentro do Plan de financiamento empresarial de Galicia, que en 2020 achegará 103 M€ para facilitar o financiamento a 1900 proxectos que mobilizarán 300 M€.