Actualidade

O director do Igape, Juan Cividanes, inaugurou en Santiago a xornada ‘Reinvéntate Galicia’, organizada pola Asociación Española de Directivos (AED), na que se analizaron os retos da Cuarta Revolución Industrial. Salienta que a Axenda 4.0 desenvolta pola Consellería de Economía, Emprego e Industria se anticipa aos cambios co reforzo dos programas activos e a incorporación doutros novos. Hoxe péchase en Vilagarcía de Arousa o ciclo de encontros ‘Industria e Empresa 4.0. As claves da empresa intelixente’, que afondou na transformación do tecido produtivo.

O Diario Oficial de Galicia publica hoxe a convocatoria das axudas destinadas a mellorar a situación financeira de provedores de bens e servizos de estaleiros que atravesan dificultades. Os apoios incorpóranse ao programa de préstamos directos para o financiamento empresarial da Consellería de Economía, Emprego e Industria, dotado dun orzamento de 36M ata 2021. Os créditos contarán cun prazo de amortización máximo de cinco anos e terán un importe mínimo de 50.000 euros e un máximo dun millón.

O director do Igape, Juan Cividanes, encabezou unha misión comercial na que participaron Pescanova, Albo, Lanzal, Estrella Galicia, Vinigalicia, Feiraco-Clun, Leche Rio, Galmesano e Coren. Galicia foi a única comunidade autónoma que contou cun espazo expositivo propio na segunda Feira Internacional de Importación de China. A empresa galega de desenvolvemento de proxectos navais Gabadi está a construír catro tanques de contención de gas natural licuado para buques porta-contedores no estaleiro Jiangnan Shipyard, en Xangai. Nos oito primeiros meses deste ano, a alimentación e as bebidas supuxeron o 39% do total das vendas galegas a este país, destino ao que en 2018 exportaron máis de 440 empresas da nosa comunidade.

A iniciativa, enmarcada na Axenda 4.0, ten como obxectivo impulsar as empresas galegas de distribución e subministración e un sector que representa o 4% do PIB galego e preto de 50.000 empregos. O novo plan activado pola Xunta inclúe a posta en marcha de catro centros de apoio ao transporte por estrada, dos que se beneficiarán 5000 empresas ata 2022. Tamén se impulsará un proxecto para a simplificación dos trámites aduaneiros e unha plataforma dixital de co-carga a través da cal as compañías recibirán as mellores ofertas para contratar servizos loxísticos. Crearase unha aceleradora sectorial e activarase un portal de información en liña. Inclúe un convenio co novo Clúster da Función Loxística, que nace da cooperación entre axentes e empresas e ten previsto agrupar a 50 compañías. Esta entidade contou para a súa constitución con empresas como Kaleido, Gadisa, Finsa, Hijos de Rivera, e Delta Vigo, ademais da Autoridade Portuaria de Vilagarcía.

A Consellería de Economía, Emprego e Industria habilitará estes apoios para contribuír a mellorar a situación financeira de provedores de bens e servizos de estaleiros que atravesan dificultades. A nova iniciativa incorporarase ao programa de préstamos directos para o financiamento empresarial, que dispón no seu conxunto dun orzamento de 36 M ata 202. Os apoios terán un importe mínimo de 50.000 euros e un máximo dun millón e contarán cun prazo de amortización de cinco anos.