Actualidade

O director xeral, Javier Aguilera, visitou a empresa Nodosafer, que incrementou un 24% a cifra de empregados grazas a súa aposta pola modernización dos procesos de produción. A mellora competitiva acadada reverteu tamén nas exportacións, que no último exercicio supuxeron case o 40% da produción da empresa. Economía e Industria achega servizos avanzados a través do programa ReAcciona, e publicará en próximas datas novas convocatorias de axudas para facilitar investimentos tecnolóxicos e a incorporación de innovación a procesos e produtos.

Javier Aguilera destacou que Marrocos está entre os dez principais socios comerciais de Galicia e animou aos empresarios participantes a apostar polas alianzas a medio e longo prazo. O director xeral do Igape salientou que as exportacións a Marrocos medraron o ano pasado en case un 22%, ata sumar 463 millóns de euros, e que as cifras poderían mellorar este ano, tras sumar 124 millóns no primeiro trimestre.

O director xeral do Instituto Galego de Promoción Económica, Javier Aguilera, presentou a iniciativa coa que se apoia o crecemento das empresas exportadoras. Mediante a concesión de avais do 50% facilítase o financiamento dos custos das operacións destinadas a iniciar ou consolidar as vendas en mercados exteriores. Salienta que o obxectivo da Xunta é "que ningunha empresa con potencial exportador deixe de vender fóra por falta de financiamento". Durante 2012 exportaron preto de 6.000 empresas galegas, un 23% máis que durante 2009.

O director xeral do Igape, Javier Aguilera, presentou xunto co director xeral de Industria y de la Pyme, Manuel Valle, a nova convocatoria do Reindus. Os préstamos deste programa poden financiar ata o 80% dos investimentos, no caso das pemes con proxectos innovadores, e incrementan a 18 meses o período para a execución. Aguilera destacou Ferrol, Eume e Ortegal como unha área privilexiada para a posta en marcha de iniciativas empresariais.

O director do Igape, Javier Aguilera, inaugurou un encontro empresarial destinado a avaliar posibles colaboracións entre empresas de ambos extremos do Atlántico. Subliñou que esta rexión, que destaca polo seu potencial en actividades como a pesca ou o sector agroalimentario, pode ser a porta para a chegada das empresas galegas a Norteamérica. Aguilera Navarro participou ademais noutro encontro sobre as oportunidades de negocio en Uruguai, onde exportaron 350 empresas galegas en 2012.