Actualidade

O director xeral do Igape participou hoxe en Bruxelas nunha mesa redonda no marco da reunión do Grupo Interrexional do Automóvil (GIA). Aguilera Navarro destacou a importancia do sector en Galicia e o impulso do Goberno galego á mellora competitiva, a eficiencia e a electromobilidade.

O director do Igape, Javier Aguilera, participou na xornada sobre oportunidades de negocio co Reino Unido organizada en colaboración coa CEG. As exportacións a este país medraron nun 73% desde 2009, e máis de 400 empresas galegas exportaron en 2012 cara este mercado.

A convocatoria do programa Innoempresa que vén de resolverse destina preto de 3 millóns de euros ao desenvolvemento de actuacións en pequenas e medianas empresas nos ámbitos tecnolóxico, organizativo e de xestión empresarial. Para facilitar o acceso das pemes a innovación, o investimento mínimo apoiado por proxecto situouse en 7.500 euros, podendo cubrir a axuda máxima o 50%.

As iniciativas de formación buscan apoiar a consolidación das empresas recén creadas, co obxectivo de reforzar o novo tecido económico galego. Empresarios e directivos de compañías galegas reciben apoio e asesoramento sobre o proceso internacionalización das súas firmas. Máis de cinco mil estudantes de secundaria, FP e Universidade participan en actividades que buscan crear unha nova xeración de emprendedores galegos.

O conselleiro de Economía e Industria adianta que se vai crear un Rexistro Galego de Clúster co obxectivo de identificar, ordenar e optimizar os recursos dispoñibles. Poñerase en marcha unha liña específica de apoio a estas agrupacións dotada con 4,2 millóns de euros para o desenvolvemento de plans estratéxicos para o período 2013-2015. Asegura que os clúster están chamados a configurar "un dos principais eixos no que desenvolver proxectos innovadores", así como acelerar a mellora da competitividade e a internacionalización.