Actualidade

O director do Igape, Javier Aguilera destaca que a nova norma aprobada onte no Parlamento e coa posta en marcha da Unidade Galicia Emprende se habilitan instrumentos para que xurdan novos proxectos e para que se consoliden as novas empresas. Salienta a creación das redes galegas de business angels e de viveiros e o reforzamento da Rede Galega de Mentores. O director xeral do Igape lembra que o programa Galicia Emprende mobilizará 10 millóns de euros.

O director do Igape, Javier Aguilera, destaca en Vigo que é o momento de que o sector volva ocupar o lugar que lle corresponde pola súa capacidade de traballo e a súa alta tecnoloxía.

O director do instituto adscrito á Consellería de Economía e Industria, Javier Aguilera, participa na apertura dos cursos promovidos en colaboración coa Escuela de Organización Industrial, que facilitarán a formación especializada de 200 empresarios, xestores, técnicos e emprendedores en materias como a consolidación e a internacionalización de novos proxectos.

Os directores do Igape, Javier Aguilera, e de XesGalicia, Juan Cividanes, reuníronse cos representantes dos socios de Seaquarz para reiterar o compromiso do Goberno galego coa viabilidade futura da nova sociedade. Aguilera e Cividanes amosaron a súa confianza no futuro da nova compañía e avaliaron positivamente a posible incorporación dun socio industrial que permita retomar a actividade de xeito máis rápido e seguro.

Nun encontro organizado polo Círculo de Empresarios de Galicia e a Asociación de Empresarios do Polígono de San Cibrao, o director do Igape, Javier Aguilera, subliña que é o momento de apostar por novos servizos e instrumentos para impulsar o tecido empresarial. Destaca a futura Lei do Emprendemento de Galicia, que outorgará máis e mellores facilidades e financiamento aos que se decidan a poñer en marcha unha empresa.