Actualidade

A cuarta edición desta aceleradora promovida pola Xunta en colaboración coa EOI ofrece os novos empresarios formación e asesoramento especializado para poñer en marcha o seu proxecto. Na última convocatoria desenvolvéronse iniciativas vinculadas ao sectores das TIC, da moda, do turismo ou da alimentación. Durante as tres convocatorias realizadas en Cabana de Bergantiños foron apoiadas máis de 60 novas empresas.

O titular da Xunta avanzou hoxe as dúas primeiras medidas que, dotadas con 4 millóns de euros, poderán beneficiar a 550 establecementos. Destacou o impacto cada vez maior que o turismo ten na economía galega. A Consellería de Cultura lidera as actuacións, nas que tamén se integran as consellerías de Economía, Medio Rural e Mar, así como a Amtega. 

A iniciativa con sede no CIS Madeira, en San Cibrao das Viñas, aposta pola promoción de novos proxectos empresariais innovadores no sector da madeira prioritariamente, pero sen excluír outro tipo de actividades. A última edición impulsada conxuntamente pola Xunta e a EOI serviu xa para apoiar 18 proxectos empresariais.

A cuarta edición desta aceleradora impulsada pola Xunta, a través do Igape, e en colaboración coa EOI, ofrece os novos empresarios da comarca a oportunidade de poñer en marcha iniciativas con formación e asesoramento especializado. O turismo, a agricultura ecolóxica, o deseño ou a hostalería, son os sectores que predominaron nos proxectos desenvolvidos na anterior convocatoria. Durante as últimas tres edicións realizadas en Monforte foron apoiadas máis de 60 novas empresas.

O director do Igape, Juan Cividanes, participa en Vigo na presentación do libro Regulación do contrato de seguro en Portugal e España: análise comparado, onde destacou o fortalecemento da cooperación entre Galicia e o norte do país luso. Salienta que coñecer os aspectos dos seguros nos dous países lles permite aos empresarios realizar actividades transfronteirizas con total seguridade. Destaca a boa marcha das exportacións a Portugal que, nos primeiros once meses de 2018, rexistraron un incremento do 15,1%. De xaneiro a novembro, as vendas ao exterior galegas medraron un 7,2% con respecto ao mesmo período do ano anterior, duplicando o incremento da media estatal, e superando os 21.300 millóns de euros.