IGAPE

Título do programa / axuda

IG114 - AXUDAS A INICIATIVAS DE DIFUSIÓN (ART.4)

Finalidade/Obxectivo

Incentivar proxectos e actuacións empresariais de distinta tipoloxía concedendo subvencións a fondo perdido ós seguintes tipos de iniciativas:
a) Organización de xornadas técnicas, seminarios, foros ou premios dirixidos á difusión de técnicas, metodoloxías, ferramentas ou boas prácticas nos eidos da innovación a mellora competitiva ou a aprendizaxe.
b) Organización en Galicia de encontros empresariais entre emprendedores e investidores privados (busines angels) propostos por redes de investidores privados (business angels) formalmente establecidas
c) Organización en Galicia de congresos ou eventos expositivos de alcance internacional.

Tipo de apoio

Subvención a fondo perdido en réxime de concorrencia competitiva.

Beneficiarios potenciais

1. Entidades sen ánimo de lucro con personalidade xurídica propia (Organismos intermedios) domiciliados en Galicia cunha actividade dirixida eminentemente ao mundo empresarial.

2. No caso de gastos de investimento , deberán achegar ao proxecto polo menos un 25% do seu importe, con recursos propios ou financiamento alleo, sen ser obxecto de axuda ou subvención algunha.
3. No caso da liñas de axuda que se incardinan no devandito Regulamento (CE) nº 800/2008, non deberán estar suxeitos a unha orde de recuperación pendente tras unha decisión previa da Comisión da Unión Europea, que teña declarado unha axuda ilegal e incompatible co mercado común.
4. Deberán estar ao día das súas obrigas coa Facenda Pública, Comunidade Autónoma e Seguridade Social.

Sectores incentivables

Aquelas actividades que estean dentro dos sectores regulados por normas específicas da Unión Europea sobre axudas estatais, axustaranse en cada caso ás ditas normas específicas.

Requisitos principais do proxecto

Serán subvencionables:

a) Organización en Galicia de xornadas técnicas, seminarios, foros ou premios dirixidos á difusión de técnicas, metodoloxías, ferramentas ou boas prácticas nos eidos da innovación, a mellora competitiva ou a aprendizaxe.

b) Organización en Galicia de encontros empresariais entre emprendedores e business angels propostos por redes de investidores privados (Business angels) formalmente establecidas.

c) Organización en Galicia de congresos internacionais ou eventos expositivos internacionais (feiras, pasarelas de moda...)

Investimentos e/ou gastos computables

Para as iniciativas previstas na letra a) do artigo 4.1 anterior ,cun límite de axuda do 70%, consideraranse conceptos subvencionables os seguintes:
• Gastos de publicidade.
• Elaboración de documentación e edición de relatorios ou publicacións.
• Custos de contratación de relatores.
• O IVE cando o solicitante acredite a súa exención.

Para as iniciativas previstas na letra b) do artigo 4.1 anterior, o Igape poderá patrocinar a organización dos encontros, cun límite por xuntanza de 10.000€

Para as iniciativas previstas na letra c) do artigo 4.1 anterior, o Igape poderá patrocinar a organización de iniciativas do seu interese, no seo do congreso ou evento expositivo,cun límite de 50.000€.

Contía das axudas

Para as iniciativas previstas na letra a) do artigo 4.1 anterior cun límite de axuda do 70% e segundo o alcance do evento, os límites de axuda serán os seguintes:

-Provincial ou inferior: 5.000 €.
-Autonómico: 7.500 €.
-Nacional: 10.000 €.
-Internacional: 20.000 €.

Para as iniciativas previstas na letra b) do artigo 4.1 anterior: límite por xuntanza de 10.000 €, suxeito á xustificación de custos producidos pola organización dos encontros empresariais patrocinados, non inferior á cantidade asignada polo Igape.

Para as iniciativas previstas na letra c) do artigo 4.1 anterior: un límite de 50.000 €, suxeito á xustificación de custos producidos pola organización das actividades patrocinadas, non inferior á cantidade asignada polo Igape.

Prazo de presentación de solicitudes

O prazo de presentación de solicitudes abrirá ao día seguinte ao da publicación da convocatoria no DOG, no caso de coincidir sábado ou día inhábil en Santiago o prazo comezará o día hábil seguinte, e pecharase aos corenta días naturais; no caso de coincidir o inicio ou o remate do prazo en sábado ou día inhábil en Santiago de Compostela o prazo trasladarase ao día hábil seguinte.

Incompatibilidades

Esta subvención para un determinado proxecto será incompatible con calquera outra subvención a fondo perdido do Igape.

Será compatible, non obstante, con programas de axuda financeira do instituto como pode ser, entre outros, a subsidiación ao tipo de xuro e tamén, con calquera outro tipo de subvención ou axuda concedida por outros organismos públicos ou privados, sempre e cando o seu cómputo non exceda os límites establecidos Regulamento (CE) nº 1998/2006 da comisión do 15 de decembro de 2006 relativo á aplicación dos trigos 87 e 88 do Tratado ás axudas de mínimis (DOUE L 397/5, do 28 de decembro de 2006.

Referencia lexislativa

Resolución do 12 de marzo de 2008 (DOG Nº55 do 18/03/2008) - Bases reguladoras dos Incentivos Económicos do Igape
Resolución do 12 de marzo de 2008 (DOG Nº73 do 16/04/2008) - Corrección de erros
Resolución do 11 de abril de 2008 (DOG Nº75 do 18/04/2008) - Convocatoria dos artigos b) e c)
Resolución do 15 de xullo de 2008 (DOG Nº143 do 24/07/2008) - 2ª convocatoria 2008
Resolución do 5 de febreiro de 2009 (DOG Nº31 do 13/02/2009) - Modificación das bases reguladoras dos Incentivos Económicos
Resolución do 13 de febreiro de 2009 (DOG Nº36 do 20/02/2009) - Modificación do límite de minimis
Resolución do 5 de febreiro de 2009 (DOG Nº40 do 26/02/2009) - Corrección de erros da modificación das bases reguladoras
Resolución do 3 de marzo de 2009 (DOG Nº48 do 10/03/2009) - Condicionamento da efectividade da modificación do límite de minimis
Resolución do 5 de febreiro de 2009 (DOG Nº57 do 24/03/2009) - Corrección de erros da modificación das bases reguladoras
Resolución do 3 de xullo de 2009 (DOG Nº136 do 14/07/2009) - 2ª convocatoria 2009

Información e tramitación en:

Información nas oficinas territoriais do IGAPE e no Servizo de Atención Telemática a través do teléfono 902 300 903. Tamén a través de www.igape.es ou en informa@igape.es

Para presentar unha solicitude de axuda o interesado deberá cumprimentar previamente un cuestionario descritivo das circunstancias do solicitante e do proxecto a través da aplicación de axuda establecida no enderezo de Internet http://www.tramita.igape.es

A fin de prestar asistencia na cumprimentación do cuestionario, o Igape pon a disposición do interesado o seu Servizo de Asistencia Técnica, cun sistema de cita previa concertada a través do mencionado enderezo de internet ou dos números de teléfono 902 300 903 ou 981 541 147.

Observacións

As iniciativas de difusión deberán ter lugar entre o 1 de xullo de 2009 e o 31 de decembro de 2009

Vixencia/Convocatoria

Documentación

Resolución do 12 de marzo de 2008 (DOG Nº55 do 18/03/2008) - Bases reguladoras Ver

Resolución do 12 de marzo de 2008 (DOG Nº73 do 16/04/2008) - Corrección de erros Ver

Resolución do 11 de abril de 2008 (DOG Nº75 do 18/04/2008) - Convocatoria artigos b) e c) Ver

Resolución do 15 de xullo de 2008 (DOG Nº143 do 24/07/2008) - 2ª convocatoria Ver

Resolución do 5 de febreiro de 2009 (DOG Nº31 do 13/02/2009) - Modificación bases reguladoras dos Incentivos Económicos Ver

Resolución do 13 de febreiro de 2009 (DOG Nº36 do 20/02/2009) - Modificación do límite de minimis Ver

Resolución do 5 de febreiro de 2009 (DOG Nº40 do 26/02/2009) - Corrección de erros da modificación das bases Ver

Resolución do 3 de marzo de 2009 (DOG Nº48 do 10/03/2009) - Condicionamento da modificación do límite de minimis Ver

Resolución do 5 de febreiro de 2009 (DOG Nº57 do 24/03/2009) - Corrección erros Ver

Resolución do 3 de xullo de 2009 (DOG Nº136 do 14/07/2009) - 2ª convocatoria 2009 Ver

Oficina virtual

Esta axuda non ten definida unha oficina virtual