IGAPE

A consellería de Economía e Industria, a través do Igape, busca deste xeito facilitar o acceso ao crédito aos emprendedores para que podan impulsar novos investimentos. Os préstamos contarán co aval dunha sociedade de garantía recíproca que cubrirá o 80% do importe e as entidades financeiras non poderán requirir garantías adicionais. Os xuros efectivos para os beneficiarios, que serán fixos para microempresas e referenciados ao euríbor nas liñas para novas pemes e pemes competitivas, estarán arredor do 3%.

 

O Instituto Galego de Promoción Económica, dependente da Consellería de Economía e Industria, vén de asinar o novo convenio de colaboración coa Asociación de Empresarios de Hostalería de Ferrol e comarcas, a Universidade de Santiago de Compostela e Feuga para desenvolver  o proxecto Ferrol Execelencia Hostaleira EHO-5s. No acto foron entregados os certificados de excelencia EHO-5s a 35 establecementos hostaleiros das áreas de Ferrol, Eume e Ortegal incluidos na pasada edición do programa. A partir deste ano serán xa máis dun cento os establecementos certificados.

 

Destina 500.000 euros a subvencionar, a través do Igape e mediante convocatoria en réxime de concurrencia competitiva, a realización de encontros e eventos destinados á difusión de técnicas, metodologías e boas prácticas no eido da innovación destinada a favorecer a mellora competitiva. A través do Instituto, apoiará tamén o desenvolvemento de encontros entre emprendedores e investidores privados ou business angels, así como a realización en Galicia de congresos ou eventos expositivos de carácter internacional.

 

Os directores dos Centros de Promoción de Negocios (CPN) que o Igape ten en Alemaña, China, Estados Unidos, Polonia e Xapón mantiveron arredor de 300 entrevistas personalizadas con empresarios galegos interesados nos mercados exteriores. Os empresarios que apostan pola internacionalización recibiron tamén información sobre os mercados e actividades do seu interese no encontro cos axentes comerciais mediadores que atenderon, pola súa banda, máis de 200 entrevistas.

 

O Foro Transfronteirizo organizado por BIC GALICIA, sociedade dependente da Consellería de Economía e Industria, en colaboración coa Fundación Universidade de Vigo e o IPVC, duplicou o número de participantes previsto. Con máis de 250 asistentes entre pemes, investigadores, axentes de apoio e emprendedores, o Foro foi unha oportunidade para coñecer intereses comúns, posibilidades de colaboración e oportunidades de negocio nos ámbitos da saúde, a acuicultura, a agroalimentación e o medio ambiente.

 

O encontro con axentes comerciais mediadores desenvólvese na sede do Instituto dependente da Consellería de Economía e Industria, en Santiago, desde o 30 de xuño. Servirá para poñer en contacto a empresas galegas interesadas en chegar a novos mercados, ou ampliar a súa internacionalización, con axentes cualificados en materia de comercio exterior e especializados nun importante número de mercados exteriores.

 

A nova plataforma telemática facilitará, de xeito gratuíto, a información máis actual sobre a operativa e a práctica do comercio exterior, os servizos personalizados e os datos de interese nos ámbitos da internacionalización, en xeral, e da importación e da exportación en concreto.