IGAPE

O conselleiro de Economía e Industria presentou o balance do plan re-Forza 2010 e salientou o incremento dos proxectos aprobados para Lugo e Ourense, con investimentos que medraron nun 822% grazas aos plans Impulsa. As 1.500 operacións de garantías aprobadas permitiron o mantemento de 16.000 empregos nas empresas beneficiadas. A axilización de procedementos permitiu que o prazo de resolución de expedientes se reducise practicamente á metade no último ano, e o de pagamento das solicitudes de cobro nun 65%.

 

O director xeral do Instituto Galego de promoción Económica, Joaquín Varela de Limia destacou hoxe a importancia de promover o talento e  facilitar a transmisión do coñecemento cara as empresas. Na presentación en Santiago do Fórum Cicerón, que busca seleccionar os mellores talentos universitarios e poñelos en contacto coas empresas, Varela aproveitou para lembrar o amplo abano de servizos, ferramentas e apoios de que dispoñen o Igape e BIC Galicia para impulsar a posta en marcha de novas iniciativas emprendedoras.

 

As axudas destinadas polo departamento de Javier Guerra a dinamizar as vendas de coches en Galicia, a través do programa re-Móvete, suman 22,5 millóns de euros e permitiron apoiar máis de 30.000 operacións. As matriculacións en Galicia pasaron de 3.381 turismos en novembro a 4.362 en decembro, cun incremento do 29% no mes de decembro pasado.

 

As bases especificas publicadas hoxe no Diario Oficial de Galicia están dotadas cun orzamento de 825.000 euros para subsidiar en 4 puntos porcentuais os préstamos concedidos neste marco de apoio. O prazo de presentación de solicitudes estará aberto desde mañá ata o 30 de xuño de 201. O Igape compensará ademais outros custos financeiros ás entidades financeiras colaboradoras para facilitar o financiamento ás empresas.

 

A Consellería de Economía e Industria quere potenciar as relacións comerciais entre a industria alimentaria galega e os operadores comerciais chinos e indios, coa finalidade de mellorar no medio prazo as exportacións a ambos países. Os plans de promoción beneficiarán a empresas produtoras de viño, queixos, conservas, peixe conxelado, bebidas ou produtos cárnicos, entre outros. Estas iniciativas de promoción de produtos agroalimentarios na India e China poderán ser prorrogadas, para desenvolver accións ata 2012.

 

As operacións aprobadas permiten apoiar unhas vendas de mobles por importe de máis de 7 millóns de euros. Os obxectivos básicos deste programa son incentivar a demanda de mobiliario en madeira e manter o emprego nun sector estratéxico para a economía de Galicia. O importe medio das operacións de compra de mobles cubertas por este programa está a ser de 1.900 euros. Xa son 163 os comercios adheridos como entidades colaboradoras, ademais de 77 fabricantes.