IGAPE

A Unidade de Promoción e Desenvolvemento (UPD) Coordina Local, dependente do Igape, imparte as xornadas de formación aos integrantes da rede. Comezarán a desenvolverse o próximo día 25 en Vimianzo e rematarán, o día 14 de decembro, en Ourense. A formación continua dos técnicos de promoción económica é un dos obxectivos da Unidade de Promoción e Desenvolvemento Coordina Local.

 

A Consellería de Economía e Industria, a través do Igape, apoia con garantías que suman 3,44 millóns de euros a tres empresas especializadas en carpintería metálica e tradicional, afectadas en xeral pola súa dependencia do sector da construción. A través do Instituto, que concede un aval por importe de 5 millóns de euros, a Xunta respalda igualmente a construción dun barco para Noruega polo estaleiro MetalShips&Docks. Un aval por importe de 5,8 millóns de euros contribúe a desenvolver o plan de viabilidade de Montoto ao refinanciar a longo prazo débedas da empresa téxtil.

 

O conselleiro destacou que os programas re-Solve e re-Brote, abertos para a presentación de solicitudes ata o próximo 30 de decembro, mobilizarán ata 400 millóns de euros en préstamos avalados para circulante. Salientou igualmente os apoios para realizar novos investimentos a través de programas como o de préstamos con fondos do BEI, e o programa re-imaXina, e destacou o incremento dos apoios ás empresas das comarcas no marco do programa financeiro do Igape, ao pasar dos 16 millóns de euros en préstamos habilitados durante 2008 aos máis de 31 millóns de euros en préstamos concedidos no que vai deste ano. O titular de Economía e Industria  destacou a aprobación de case 2.000 solicitudes de axuda para as comarcas de Ferrol, Eume e Ortegal no que vai de ano.

 

Entre as operacións aprobadas polo Consello de Dirección do Igape destaca o préstamo de 3,1 millóns de euros a Dygra para apoiar o financiamento da longametraxe “Holy Night”. O Igape apoia tamén, con 2,5 millóns de euros, a recuperación do Palacio de Sober, un hotel de cinco estrelas para a Ribeira Sacra. Os outros préstamos concedidos corresponden a Cablerías Auto, Canteras de Vilanova, Rosa María Mirás e Greymucesa. As axudas da Consellería que dirixe Javier Guerra Fernández permitirán a creación de 56 novos postos de traballo.

Acompañado por representantes do sector, o director xeral do Igape, Joaquin Varela de Limia, informou sobre as axudas concedidas ata a data a través do plan deseñado pola Consellería de Industria e destacou súa incidencia no incremento das matriculacións. Dunha caída das matriculacións dun 27% nos primeiros cinco meses deste ano sobre 2008, pasouse a un incremento dun 23% nos catro meses seguintes, ata setembro.  Tamén salientou a seguridade que o sistema de xestión dá aos concesionarios, que sempre dispuxeron da certeza de existencia de crédito suficiente para atender as solicitudes debidamente tramitadas. As axudas do re-Movete facilitáronlle as empresas do sector unha facturación que supera os 326 millóns de euros.

 

Reúnense en Cork, Irlanda, os organismos comprometidos no proxecto europeo AT-Cluster, entre os que figura o Igape como xefe de filas. A iniciativa busca fortalecer a cooperación entre clusters baseados no coñecemento no Espazo Atlántico, para incrementar a súa competitividade no mercado global. En febreiro de 2010, coincidindo con Xacobeo, desenvolverase en Santiago unha conferencia transnacional onde se poderá contar coa participación de diversos organismos internacionais que están a traballar na materia co mesmo fin que os socios de AT Clusters.

 

O Conselleiro de Economía e Industria e presidente do Igape  salienta que estes programas, abertos para a presentación de solicitudes ata o próximo 30 de decembro, conforman a iniciativa máis ambiciosa da historia en Galicia no ámbito das garantías públicas. Guerra Fernández destacou o compromiso da Xunta de Galicia coa innovación, na que o departamento de Economía e Industria leva investidos máis de 100 millóns de euros, e coa internacionalización.