IGAPE

O presidente da Xunta de Galicia, Emilio Pérez Touriño, recibiu ao vicepresidente do BEI, Carlos da Silva Costa, con quen a Xunta asinou dúas liñas de crédito por valor de 250 millóns de euros, dos que 200 se destinarán ao financiamento das pemes e 50 á Vía Ártabra. Estes préstamos van dirixidos a distintos sectores de actividade como as tecnoloxías da información e a comunicación, as enerxías renovables, a biotecnoloxía médica ou a produción audiovisual co fin de reforzar a competitividade e a produtividade das empresas da comunidade.

Cada unha destas iniciativas emprendedoras de carácter biotecnolóxico recibe un incentivo de 30.000 euros para a posta en marcha das respectivas empresas. Os galardóns, concedidos no marco do Programa Galicia Bioemprende, foron entregados onte en Madrid, nun foro destinado a poñer en contacto a emprendedores biotecnolóxicos con investidores públicos e privados. O Programa Galiciabioemprende, cofinanciado polo Fondo Social Europeo (FSE), ten como obxectivos fundamentais dar apoio á creación, crecemento e consolidación de empresas biotecnolóxicas. Esta iniciativa está promovida por BIC Galicia, o Igape e a Fundación Genoma España.

 

Galicia promocionará os seus produtos nos establecementos dunha das principais cadeas de centros comerciais de México, o Grupo Palacio do Ferro, no marco dun evento que dará continuidade, en 2009, ás accións da Semana de Galicia en México que se está desenvolvendo estes días na capital azteca, promovida pola Consellería de Economía e Facenda a través do Igape. Representantes da delegación institucional e empresarial galega mantiveron ademais un encontro cunha delegación do Goberno do Estado de México.