IGAPE

Segundo anunciou o conselleiro de Economía e Industria, Javier Guerra, o novo fondo de capital risco, denominado Xes-Innova Xove, estará dotado con 2 millóns de euros e completará un amplo abano de servizos e medidas destinadas a promover a aparición de novas iniciativas empresariais e a consolidación e desenvolvemento das empresas que están comezando a súa traxectoria. Na súa participación no Día do Emprendedor de Galicia, que reuniu en Santiago a máis de 2.000 persoas, Guerra quixo deixar clara a decidida aposta do actual Goberno galego a favor da cultura emprendedora como “fonte xeradora de riqueza e emprego, fomentando o desenvolvemento tecnolóxico, a transmisión de coñecementos e o intercambio de experiencias”.

 

A V edición do grande encontro do emprendedurismo estará organizada pola Consellería que dirixe Javier Guerra a través do Igape e BIC Galicia, en colaboración co Mityc, e desenvolverase en Santiago de Compostela o 16 de xuño. A cita converterase nunha comunidade empresarial onde atopar apoio para as novas iniciativas emprendedoras ou para impulsar a consolidación ou a internacionalización de novas empresas. Por primeira vez, acolle o programa “Iniciador Galicia” onde os emprendedores poderán expoñer as súas ideas para procurar que un posible investidor se interese por elas.

 

Javier Guerra salienta que as novas bases apostan polo pre financiamento de proxectos ao contemplar a concesión de anticipos do 50% das axudas concedidas sen requirir garantías. Tamén serán financiables neste novo marco os investimentos en proxectos de consolidación ou maduración temperá de pemes de menos dun ano. O Igape dispón en 2010 dunha partida orzamentaria de 3 millóns de euros para conceder subvencións ao abeiro desta liña.

 

A Unidade de Promoción e Desenvolvemento (UPD) Coordina Local, dependente do Igape, imparte as xornadas de formación aos integrantes da rede. Comezarán a desenvolverse o próximo día 25 en Vimianzo e rematarán, o día 14 de decembro, en Ourense. A formación continua dos técnicos de promoción económica é un dos obxectivos da Unidade de Promoción e Desenvolvemento Coordina Local.

 

A Unidade de Promoción e Desenvolvemento dependente do IGAPE presta apoio e formación á rede de técnicos de emprego e axentes de desenvolvemento Local para que asesoren aos emprendedores na elaboración do seu plan de negocio. A presentación dun plan económico financeiro é fundamental para acceder a axudas públicas e ten importancia capital para a consolidación das novas iniciativas empresariais. O curso desenvólvese cunha metodoloxía mixta que compaxina parte presencial e online, contando co apoio do campus virtual de BIC Galicia.

 

 

Durante o primeiro semestre de 2009 tiveron especial relevancia as actividades orientadas á consolidación e mellora competitiva de iniciativas empresariais de recente creación, e a facilitar a saída ao mercado de novos proxectos. Para o que resta de ano, esta sociedade dependente da Consellería de Economía e Industria ten programadas outras 240 accións de formación e asesoramento a emprendedores e empresas.

 

A consellería de Economía e Industria, a través do Igape, busca deste xeito facilitar o acceso ao crédito aos emprendedores para que podan impulsar novos investimentos. Os préstamos contarán co aval dunha sociedade de garantía recíproca que cubrirá o 80% do importe e as entidades financeiras non poderán requirir garantías adicionais. Os xuros efectivos para os beneficiarios, que serán fixos para microempresas e referenciados ao euríbor nas liñas para novas pemes e pemes competitivas, estarán arredor do 3%.