IGAPE

O Igape considera fundamental apoiar a especialización laboral e a creación ou ampliación de perfís profesionais en parcelas de actividade empresarial onde se detecten necesidades non satisfeitas, polo momento, a través do sistema educativo convencional. Así o manifestou o director xeral do Instituto dependente da Consellería de Economía e Facenda durante o acto de entrega de diplomas aos participantes no curso de especialización en deseño industrial promovido por Asime.

 

O conselleiro de Economía e Facenda, José Ramón Fernández Antonio, explicou ao presidente da Confederación de Empresarios de Galicia os obxectivos dos orzamentos do próximo ano nos que se priorizarán os políticas de mellora da competitividade da economía galega. Entre as liñas de traballo figura o incremento e mellora das infraestruturas, a aposta pola formación do capital humano, e o impulso da sociedade do coñecemento.

 

As subvencións a fondo perdido, en réxime de concorrencia competitiva, poden cubrir ata o 25% dos importes apoiables. O próximo 31 de xullo remata o prazo para a presentación de iniciativas. O instituto dependente da Consellería de Economía e Facenda tamén subvenciona con 1,2 millóns de euros proxectos ambientais de eliminación, valoración ou reciclaxe de residuos.

O obxectivo é propiciar acordos ou iniciativas de cooperación comercial ou tecnolóxica entre as 75  empresas participantes. Participarán empresas especializadas en seguridade, eficiencia enerxética, domótica e a electrónica. O encontro forma parte do proxecto Transtic, coordinado pola sociedade do Igape BIC Galicia no marco da Iniciativa Comunitaria Interreg IIIA.