IGAPE

O director xeral do Igape, Javier Aguilera, participou nun encontro cos directivos de 15 agrupamentos empresariais e anunciou que o Instituto focalizará apoios cara á cobertura das necesidades que lles son comúns. O obxectivo e conseguir que os clusters e as agrupacións sectoriais poidan converterse en “verdadeiras pancas dun desenvolvemento económico sostido para Galicia”.

 

Oito clusters das rexións que participan neste proxecto europeo estiveron representados nas reunións. Tres de eles eran galegos, e representaban aos sectores cárnico, acuícula e o de industrias creativas. Seguindo coa filosofía da Conferencia Transnacional celebrada en Santiago no pasado mes de marzo, desenvolvéronse, en paralelo á sesión do grupo de traballo, estes encontros entre clusters empresariais.

 

O orzamento destinado a incentivar as melloras competitivas mediante a cooperación supera os 3 millóns de euros na convocatoria de 2010  e os beneficiarios poderán cobrar anticipos do 50% sen achegar garantías. Unha das liñas previstas nestas bases facilitará a cualificación de persoal das pemes galegas mediante programas de inmersión en empresas ou centros tecnolóxicos foráneos.

 

O conselleiro de Economía e Industria destacou que a colaboración Igape-Ico fixo posible que máis de 500 empresas obtivesen nos últimos quince meses préstamos con xuros preferentes  por importe de máis de 72 millóns de euros. O encontro entre Guerra e Ayala permitiu afondar no establecemento de mecanismos de coordinación para activar iniciativas de apoio ao financiamento, a mellora da competitividade e a internacionalización do tecido empresarial galego.

 

Destina 500.000 euros a subvencionar, a través do Igape e mediante convocatoria en réxime de concurrencia competitiva, a realización de encontros e eventos destinados á difusión de técnicas, metodologías e boas prácticas no eido da innovación destinada a favorecer a mellora competitiva. A través do Instituto, apoiará tamén o desenvolvemento de encontros entre emprendedores e investidores privados ou business angels, así como a realización en Galicia de congresos ou eventos expositivos de carácter internacional.

 

O Igape lidera o proxecto europeo de cooperación trasnacional “AT-Clusters”, que integra a socios de Irlanda, Portugal, Francia, Asturias e Cantabria, ademais de Galicia. A iniciativa explorará as posibilidades de cooperación entre os clusters asentados ou en vías de creación no Espazo Atlántico, e procurará interconectalos para facilitar o seu desenvolvemento  a nivel europeo e internacional. O proxecto, que botou a andar hoxe en Santiago, ten como obxectivo favorecer o dinamismo e o intercambio de boas prácticas entre os clusters.