IGAPE

O prazo para solicitar as axudas do Ministerio de Industria, Turismo e Comercio para proxectos de reindustrialización e infraestruturas en 2008, publicadas onte no BOE, está aberto durante trinta días naturais a contar desde hoxe. As axudas veñen complementar as subvencións de especial intensidade que manten operativas o Igape para apoiar investimentos nesa zona. O Instituto manterá a súa colaboración na avaliación das iniciativas presentadas ao abeiro da convocatoria do Ministerio.

 

O Igape achegará aos visitantes da Feira de Mostras dos Autónomos de Galicia, que se desenvolverá do 10 ao 14 de outubro no Coliseum da Coruña, información sobre os seus servizos e sobre as vixentes axudas financeiras para apoiar investimentos de microempresas, emprendedores ou pemes que aposten pola mellora da súa competitividade.

 

Fernández Antonio, subliñou a importancia do sector conserveiro galego que está nun proceso de diversificación, innovación e aumento das cotas de mercado O Instituto tamén apoiará os plans estratéxicos do clúster audiovisual, do clúster da madeira e da AEI Enerxía e Medio Ambiente, dentro da súa política de potenciación dos clústers. O Igape apoiou investimentos por 300 millóns de euros ata setembro, con axudas por 41 millóns de euros; mentres que Xesgalicia aprobou 16 proxectos cun investimento de 19 millóns de euros.

 

Os investimentos que poderán acollerse á subsidiación do financiamento estarán comprendidos entre un mínimo de 3.500 e un máximo de 90.000 euros. Os beneficiarios que opten polo tipo de xuro fixo poderán financiar investimentos con préstamos a un xuro efectivo do 2%. O volume máximo de préstamos ou contratos de leasing a subsidiar será de 3 millóns de euros.

 

 

O conselleiro de Economía e Facenda e presidente de Xesgalicia, José Ramón Fernández Antonio, presidiu o consello de administración no que se aprobaron tres proxectos cun alto compoñente tecnolóxico. Xesgalicia apoiará unha iniciativa de biomasa forestal promovida polo Grupo Abengoa; unha firma de tecnoloxía para o sector pesqueiro; e habilitará financiamento para producións audiovisuais. As iniciativas afondan nunha política empresarial selectiva que combina o aposta polo emprendemento, a concentración de esforzos en sectores de futuro, e a posta en marcha de novos instrumentos de apoio.