IGAPE

Formación, información, asesoramento, titorías, ferramentas baseadas nas novas tecnoloxías. A miúdo, os servizos poden ser máis útiles e necesarios para dinamizar a actividade empresarial cás axudas ou os apoios financeiros.

De xeito directo ou a través da súas sociedades participadas, XesGalicia e BIC Galicia, o Igape ofrece un variado abano de servizos para facilitar a constitución ou a posta en marcha de iniciativas por novos emprendedores, para favorecer a mellora da produtividade e a competitividade das empresas xa existentes, para facilitar a implantación de novos investimentos en Galicia ou para apoiar as iniciativas de internacionalización empresarial.