IGAPE

Dentro das actividades de servizo integral á internacionalización dentro do Proxecto ECICII, o IGAPE pon a disposición da empresas da Eurorrexión de Galicia e Norte de Portugal, unha iniciativa, que se organiza a través do servizo SALT que presta a Confederación de Empresarios de Galicia. A devandita actividade está financiada polo IGAPE.

É unha Xornada de Oportunidades de Negocio co BAD- Banco Africano de Desenvolvemento, na que se desprazarán dous responsables do devandito Banco e onde as empresas da Eurorrexión terán a oportunidade de obter información de primeira man e de realizar un interesante networking.

 

 

Base de datos á que poden acceder licenciados ou diplomados universitarios co perfil e formación orientados á internacionalización empresarial co fin de difundir esta información  entre o tecido empresarial galego e canalizar a oferta e a demanda de persoal especializado deste tipo.

 

Servizo orientado a aquelas empresas galegas sen experiencia ou que se estean iniciando no seu proceso de internacionalización, axudandoas a identificar o seu potencial así como a aquelas, que tendo xa experiencia, precisen apoio para revisar o seu posicionamento internacional decidindo onde medrar e/ou consolidarse, sempre en función das súas capacidades.

 

O servizo pretende fortalecer o proceso de internacionalización do tecido empresarial da Eurorrexión, fomentando a  creación de grupos de exportación  que permitan abordar de forma conxunta a execución dunha estratexia de negocio internacional e o intercambio de experiencias e sinerxias que permitan un acceso máis eficiente aos mercados exteriores.      

Comunicación do interese en cooperar

As empresas interesadas en cooperar con outras empresas da Eurorrexión  para abordar ou implantarse en mercados exteriores poden comunicalo ao Igape para que as poña en contacto con outros empresarios interesados nos mesmos mercados.

Para inscribirse,  acceda á opción de solicitude de servizos de internacionalización, e no campo de descrición do servizo indique “interese en cooperar con outras empresas” así como o tipo de cooperación desexada, e no campo países aos que se refire o servizo indique o país ou países nos que está interesado en cooperar.

Por ao alcance de empresarios, traballadores e emprendedores da eurorrexión Galicia-Norte de Portugal información de mercados exteriores, que lles permita atopar oportunidades de negocio en novos mercados, emprendimento e expansión.

 

O observatorio céntrase inicialmente nos sectores obxectivo do proxecto ECICII (agroalimentario, materiais da construción e contract).